Hazem Moussa's Recent LinkedIn Posts

اوعوا تضيعوا عمركوا فى الجامعة يا جماعه ... اوعوا اوعوا تكرسوا ٤ سنين من عمركوا بتروحوا الجامعه و تحضروا المحاضرات و تعيشوا وسط الشيتات و بس ... هتتخرجوا و هتتقهروا ع العمر الي راح فى الارض دا ... الجامعه حجمها الطبيعي معاك انك تروح ع الامتحانات .. تلم الخلاصة قبلها .. تدخل الامتحان تجيب جيد و جبرت ... اكتر من كدا انت بجد بتهرس عمرك فى لا شئ ... دوروا ع summer training - Internships - Vacancies - students activities - courses اشتغلوا و حوشوا فلوس و سافروا ... و قدموا ع منح و اترفضوا عادي ... و قدموا تاني ... روحوا اعملوا انترفيوهات حتى لو انت مش لازمك شغل ... اشتغلوا ع ال Skills ... اتعلموا حاجات برا مجالكوا .... خدوا كورسات اونلاين كثير وهتلاقي الانترنت فيه كثير متخليش اي حاجة تستنفذك و تستغلك ع الفاضي .. #يومياتHR #قراءات_حازم

We’re Hiring | HR Manager 📍 Location: Main Office – Cairo & Alexandria نحن نبحث عن HR Manager استراتيجي لقيادة منظومة الموارد البشرية ودعم نمو الشركة. إذا كنت تمتلك 20+ سنة خبرة في المجال، وتمتلك رؤية قيادية، وخبرة عميقة في تطوير الأفراد والثقافة المؤسسية داخل بيئة عمل ديناميكية وسريعة، فهذه الفرصة لك. 🔹 Key Responsibilities • وضع وتنفيذ استراتيجيات الموارد البشرية بما يتوافق مع أهداف وقيم الشركة. • قيادة عمليات التوظيف، التفاعل الوظيفي، إدارة الأداء، وخطط التعاقب الوظيفي. • الإشراف على برامج التعويضات والمزايا والتطوير التنظيمي. • تعزيز ثقافة عمل إيجابية تدعم التعاون، التنوع، والنمو المستمر. • ضمان الالتزام بقوانين العمل والسياسات وأفضل ممارسات الموارد البشرية. • العمل كمستشار موثوق للإدارة العليا والمساهمة في مبادرات التغيير المؤسسي. 🔹 Requirements • بكالوريوس في الموارد البشرية، إدارة الأعمال، أو مجال ذي صلة (يفضل الماجستير). • خبرة لا تقل عن 20 سنة في الموارد البشرية، منها 5 سنوات على الأقل في منصب إداري. • معرفة قوية بقوانين العمل، أنظمة الموارد البشرية، وأطر التطوير التنظيمي. • سجل ناجح في بناء فرق عالية الأداء وتحقيق التميز في الموارد البشرية. • مهارات قوية في التواصل، القيادة، والتفكير الاستراتيجي. 📩 للتقديم: يرجى إرسال السيرة الذاتية إلى: Fathy.harb@inspect-solutions.com

📢 قرار رئيس الوزراء 982 لسنة 2026: “الأحد… من البيت” شرح مختصر وواضح للقطاع الخاص مع بداية أبريل 2026، اتصدر قرار رئيس مجلس الوزراء رقم 982 لسنة 2026 بخصوص تطبيق الشغل من البيت يوم الأحد من كل أسبوع… والتطبيق يبدأ من الأحد 5 أبريل 2026. القرار شكله بسيط… بس تأثيره كبير، وخصوصاً على القطاع الخاص. --- 🔹 هل القطاع الخاص مُلزَم؟ أيوه… بس مش بنفس الدرجة. 1) قطاعات لازم تطبّق بالكامل لو شركتك في واحد من القطاعات دي… يبقى الموضوع محسوم: - الاتصالات (ماعدا التعهيد والدعم الميداني) - الخدمات المالية والمحاسبية - التسويق والإعلام - العقارات - التدريب عن بُعد - المؤسسات الأهلية الأصل: كله يشتغل من البيت. 2) باقي القطاعات (الصناعة – النقل – السياحة… إلخ) حتى لو شركتك مش من القطاعات اللي فوق… لسه مُلزَمة تطبّق الشغل من البيت على الوظائف الإدارية: - HR - الحسابات - الشؤون القانونية - المشتريات والإدارة المكتبية يعني باختصار: “لو شغلك ورقي… غالباً هتشتغل من البيت.” --- 🔹 طيب الاستثناءات؟ القرار حط جملة مهمة جداً: "بما لا يؤثر على سير العمل" الجملة دي هي مفتاح اللعبة. - صاحب العمل يقدر يستثني موظف إداري… بس لو فعلاً غيابه هيعطّل الشغل. - أي استثناء من غير سبب واضح = مخالفة صريحة. قطاعات مستثناة بطبيعتها الصحة – النقل – الصناعة – البنية التحتية والتشغيل فيها بيكون على حسب الحاجة. --- 🔹 حقوق الموظف القرار واضح وصريح: - مفيش تخفيض أجر - مفيش تقليل مزايا - مفيش تغيير شروط عمل بسبب الشغل من البيت وفي لجنة متابعة برئاسة وزير العمل يعني الرقابة هتبقى موجودة ومستمرة. --- 🔹 توصية مهمة للشركات علشان تبقى في وضع قانوني سليم: اعملوا لائحة داخلية مؤقتة لشهر أبريل فيها: - مين هيشتغل من البيت - مين مستثنى - سبب الاستثناء وتأثير غياب الموظف على سير العمل الورق ده هو خط الدفاع الأول قدّام مفتشي وزارة العمل. #قراءات_حازم #يومياتHR

‏جاور من يخاف الله، حاور من يحترمك، وشاور من يحبك، وصاحب من يفهمك، وابتعد عن الجاهل وإياك وصحبة اللئيم فإن الفضل معه عقيم، واتخذ من الطيبين خِلان يجازوك الإحسان بالإحسان اجبروا الخواطر، وراعوا المشاعر، وانتقوا كلماتكم، وقولوا للناس حسنًا، وعيشوا أنقياء، فهذا نهج الأنبياء #متنساش_النعم #قراءات_حازم #يومياتHR

حتى إبليس إرتدى ثياب النصح عندما قال لآدم ( هل أدلك على شجرة الخلد وملكٍ لا يبلى ) يا صديقي .. كن حذراً من ( بعض ) الناصحين #خللى_بالك #قراءات_حازم

بخصوص الكلام الكتير اللي انتشر بعد اجتماع السيد رئيس الوزراء امس عن زيادة الحد الأدنى للأجور انه يكون 8000 جنيه .. خلينا نوضح الصورة ببساطة عشان نمنع أي لغبطة أو تداخل. أولاً: الزيادة دي لمين؟ الزيادة المعلنة دي تخص القطاع الحكومي بس (سواء الموظفين الخاضعين لقانون الخدمة المدنية أو الهيئات الحكومية التانية). يعني القرار ده مش بيسري على القطاع الخاص اللي شغال تحت مظلة قانون العمل رقم 14 لسنة 2025. ثانياً: طيب إيه وضع القطاع الخاص؟ في القطاع الخاص، الجهة الوحيدة المسؤولة عن تحديد الحد الأدنى للأجور والزيادات الدورية هي المجلس القومي للأجور، وده بناءً على المواد (102، 103، 104) من قانون العمل، واللي بتدي المجلس صلاحيات واضحة في: • تحديد الحد الأدنى للأجور على مستوى الجمهورية. • تحديد الحد الأدنى للعلاوة الدورية السنوية. • تنظيم حالات الإعفاء أو التخفيض للشركات (حسب ضوابط معينة). ثالثاً: إحنا واقفين فين دلوقتي؟ لحد اللحظة دي، آخر قرار ساري للقطاع الخاص هو قرار المجلس القومي للأجور رقم 15 لسنة 2025، واللي حدد الحد الأدنى بـ 7000 جنيه، وده مطبق بداية من مرتبات شهر مارس 2025، والشركات ملزمة بتنفيذه. 📌 #خللى_بالك : أي زيادة بتنزل للقطاع الحكومي مش بتطبق أوتوماتيك على الخاص. القطاع الخاص بيمشي ورا قرارات "المجلس القومي للأجور" وبس، ولحد ما يصدر قرار جديد منهم، مفيش أي تعديل. 💡 رسالة في السريع لأصحاب الأعمال والزملاء في إدارة الموارد البشرية: لما بنفهم ونطبق التشريعات صح، بنحمي الشركة من أي مطبات أو مخاطر قانونية، وفي نفس الوقت بنخلق بيئة عمل مستقرة فيها توازن محترم بين حقوق الناس اللي شغالة وبين متطلبات وقدرة الشركة على التشغيل. #يومياتHR

بعض الأفكار تولد كاملة منذ لحظتها الأولى، فتظل ثابتة عبر الزمن دون حاجة إلى تعديل. مثال على ذلك، تصميم بسيط لكنه مثالي لدرجة أنه بقي كما هو حتى وقتنا الحالى . ‏ليست العبرة بالتعقيد، بل في إيجاد الحل الأمثل الذي يصمد أمام الزمن. ‏الفكرة العظيمة ليست بالضرورة تلك التي تتغير باستمرار، بل يمكن أن تكون تلك التي تثبت جدارتها دون تغيير. #قراءات_حازم #يومياتHR

كل أول شهر، تلاقي نفس الأسئلة بتتكرر: * "الخصم ده نزل ليه؟" * "البند ده اتحسب على أي أساس؟" * "ليه صافي المرتب الشهر ده مختلف؟" لو السيناريو ده بيحصل، اعرف إن المشكلة مش في الموظفين اللي بتسأل.. المشكلة في "نظام" شايف إن الغموض جزء من الإدارة! من التناقضات المستفزة في بعض بيئات العمل، إن الشركة تطلب من الموظف دقة مرعبة وبالملي في: * مواعيد الحضور والانصراف. * تسليم الشغل والـ Deadlines. * تقفيل العهد وفواتير المصاريف. لكن، أول ما الموظف يطلب كشف مرتب (Payslip) واضح ومفهوم، تلاقي الردود بقت عايمة: "أصل السيستم"، "هراجع الحسابات وأرد عليك"، أو "دي حسابات معقدة". إزاي مطلوب مني أتحاسب على الدقيقة، والشركة مش قادرة تشرحلي الجنيه اتحسب إزاي؟ ليه الغموض ده أكبر خطر على الشركة؟ الغموض في لغة الفلوس عمره ما كان "هيبة".. الغموض بيولد شك، والشك بيجيب كلام، والكلام بينتهي بـ فقدان الثقة. الموظف لما مش بيفهم حقه اتحسب إزاي، طبيعي يفترض الأسوأ؛ بيحس إن في حاجة غلط، أو إن حقه بيتآكل. وساعتها، حتى لو كانت المشكلة مجرد "غلطة تقنية بسيطة"، بتتحول لأزمة كبيرة لأن مفيش أرضية من الشفافية. النتيجة المباشرة لده: * توتر مستمر: وضياع وقت في مطاردات وسؤال وجواب بدل التركيز في الشغل. * استقالات صامتة: الإنسان ممكن يستحمل ضغط الشغل، بس مستحيل يكمل في مكان مش حاسس فيه بالأمان على أبسط وأوضح حقوقه. #خللى_بالك : المرتب مش منحة ولا تفضل.. ده مقابل شغل. وأي مقابل لازم يكون واضح، موثق، وسهل يتراجع. الشركة المحترمة مش بتخلي موظفيها يفكوا طلاسم كل آخر شهر عشان يفهموا مرتباتهم. الهيبة الحقيقية للشركة مش في نظام مقفول ومحدش فاهمه.. الهيبة في نظام واضح، عادل، وبيعرف يشرح نفسه. #يومياتHR

فرصة مميزة للانضمام إلى فريق مدربي Managopia نظرًا للتوسّع الكبير الذي تشهده شركة Managopia في برامج التدريب المتخصصة في الموارد البشرية، يسعدنا فتح باب الانضمام إلى فريق المدربين المحترفين لدينا. نبحث عن خبرات عملية قادرة على تقديم محتوى تدريبي احترافي في التخصصات الرئيسية للموارد البشرية، ومنها: ◾️ Personnel (إدارة شؤون العاملين) ◾️ Payroll (إدارة المرتبات) ◾️ Recruitment & Talent Acquisition (التوظيف واستقطاب المواهب) ◾️ Learning & Development – L&D (التدريب والتطوير) ◾️ Performance Management (إدارة وتقييم الأداء) ◾️ Compensation & Benefits – C&B (التعويضات والمزايا) ◾️ Organizational Development – OD (التطوير التنظيمي) ◾️ HR Business Partner – HRBP (الشريك الاستراتيجي للموارد البشرية) إذا كنت تمتلك خبرة عملية حقيقية وشغفًا بالتدريب ونقل المعرفة، فهذه فرصة للانضمام إلى مجتمع تدريبي احترافي يهدف إلى تطوير العاملين في الموارد البشرية في مصر والمنطقة. قم بتعبئة البيانات عبر الرابط التالي، وسيتم التواصل مع المرشحين المؤهلين في أقرب وقت بإذن الله. 🔗 رابط التسجيل: https://lnkd.in/ddue2kqn